حرااااااااام نسكت

مش عارف الثورة جت فى كفر الحدادين ولا لسه ..مش عارف ازاى احنا ساكتين ليه على مركز الشباب ده وعلى القرف اللى فيه مبنشفش مركز الشباب الا من رمضان لرمضان ومن اول اما مسكم لم يحدث أى نشاط فى مركز الشباب سوى النشاط الثقافى فى بعض الأوقات فقط..هل هذا هو كل دور مركز الشباب .... أريد مسئول واحد بس يرد عليا سواء ويقوللى انه قد المسئوليه ويقول انه عنده جرائة وشجاعة للتحدث مع الناس

والله انا متضايق جدا أول ما دخلت على صفحة الموضوع لأنى لقيت الموضوع شوهد 10 مرات ولكن لم يوجد سوى ردأو مشاركة وحيدة وهى لحضرتك فشكرا ليك وتكفينى فخرا للكلام معاك
انا طبعا نفسى فى ردة فعل ايجابية وردة الفعل دى مش ممكن تيجى من فرد لوحده أو مش مش ممكن ولكن من الأفضل فى حال مثل حل كلامنا لابد من ان الشباب يعرفوا ان هما لازم يغيروا الوضع اللى حاصل فى البلد ولازم يخدوا موقف رجولى ويعملوا حركة تغيير واحنا مش بنتجنا على الناس دى بس احنا بنتكلم عن وضع قائم لازم نيتوعبه كلنا ومحدش يفكر فى مصلحة شخصية لو سمحتم محدشيقوللى اصل فلان الفلانى ده يبقى عمى وده يبقا خالى وده جوز اختى لازم نفكر يا جماعة فى مصلحتنا العامة ونعرف احنا عاوزين ايه نفسى الحدادين كلها تدخل تشوف كلامنا يمكن يأثر ولو على الاقل فى فرد واحد ويتحرك معانا وربنا ينصرنا على اللى عاوزين لسه يعيشونا فى قرف ومبيتعظوش من اللى حصل لمبارك وأنا بقولهم خليكوا قاعدين لحد منخلعكم من مكانكم وقريب ان شاء الله

الموضوع يا اخ محمود اكبر مما انت متخيله فهي سلبية اصابت الكثير ليس مركز الشباب فقط ولكن مؤسسات كثيروومقامات رفيعة أدت الي توفر هذا المناخ السلبي فكلنا فاسدون ومخطئون وسلبيون كل علي قدره وقدر مسئوليته
فاري بداية انها ليست حرب بيننا وبين ادارة مركز الشباب فهم اهلنا ومن باب اقامة الحجة علي انهم فاسدين لا بد اولاً ان يكون هناك شباب داخل مركز الشباب حتي تؤدي لهم الخدمات التي نتكلم عنها وهي موضوع حديثنا فاذا تجمع الشباب ولم يجدوا ما يقدم لهم نتحدث ونطالب ادارةمركز الشباب وفي ذلك الوقت يكونوا مقصرين فالبداية عليكم والفرصة متاحة خاصة لقرب شهر رمضان والدورة الرمضانية التي تعمل علي تجميع قدر من الشباب
يا ريت نبتدي من الان وانا معكم متي احتجتوني
تقبل شكري وتقديري واتمني مزيد من التواصل فشرف لي ان التقي بامثالك ممن لا يزال لديهم نعمة الاحساس [center]

انا زى حضرتك دلوقتى بادعو الشباب انهم يفوقوا شوية ويلتفتوا لمصالحهم فى بلدهم وارضهم سواء كانت ارضهم د هى الحدادين أو غيرها... بس يا أستاذ عصام انا شايف من الأفضل أن ترعى جمعية تنمية المجتمع المحلى دور توعية الشباب بمعنى ان احنا نعمل اجتماع ونعرف الناس بميعاده ومكانه ولو حتى فى الشارع امام مقر جمعية التنمية وانا مستعد للمشاركة فى هذا الأمر سواء ماديااو اى شىء اخر يلزمه هذا الأمر وندعو الشباب وغير الشباب ونوعيهم ونعرفهم انهم مازالوا حتى الآن سلبيين وندعوا مثلا احد رجال القانون ليعرفنا حقوقنا ويقولنا ايه مفروض علينا الفترة الجايه وايه الإجراء اللى نتخذه لمواجهة هذا الفساد سواء كان الفساد فى مركز الشباب أو غيره من المؤسسات اللى على الأقل تهصنا فى بلدنا يعنى نبدأ بنفسنا (( طبعا انا متيقن ان هذا ليس دور جمعية تنمية المجتمع وإنما دور مركز الشباب بس لازم نبتدى احنا مادام هما معندهمش الرؤية دى )) وشكرا ليك يا استاذ عصام على سماع صوتى ومشاركتى الحوار.

اقتراح جميل وهذا مما أؤمن به ان للقاء ثمار واقل ثماره الفكرة ورب فكرة خير من مال فاقتراحك جميل ولنجعلها البداية
وهذا رقم تليفوني 0101013263 ارجو ان تتصل بي لنحدد موعد نلتقي فيه ونضع الخطوط العريضة لهذا الامر
مع خالص تحياتي [center]

ان شاء الله هكلم حضرنك ونرتب الموضوع ده ونحاول نبتدى حاجة يمكن تنفع الناس وربنا يجازينا عنها خير